Profil de Sunny晴人間PhotosBlogListesPlus  |  Outils Aide |
|
|
14 février 晴人節快樂今晚家弟在家忙得不可開交。
忙打掃房間，忙清潔廁所，忙整理廚房。
點解呢？
因為情人節嘛。
睇到佢咁，我諗返我細果個陣又有冇咁做過？
答案係－無。
原來自己一直都無。
我其實係咪應該反省下呢？
發覺自己對節日真係唔多重視。
其實某程度上，節日可以話係一種加係人身上既鎖。
到左呢Ｄ節日，你唔做返Ｄ特定既野就即係你唔岩。
而當然，從另一個角度黎睇，節日亦可以被理解為一種提醒人既訊息。呢個諗法好似好Ｄ。
不過再諗深一層，一定有人會咁諗：「平時忙，無表示都ＯＫ。但係到左節日都無表示，就罪加一等。」
原來到左最後，都係可能會變成用黎衡量人既一把尺。
到底無表示係咪一定等於唔關心？表示左又係咪一定等於關心？
當然唔係啦，只不過表示左起碼人地有Ｄ實際既憑據，但係如果乜無表示都無人地就唔會知你諗緊乜。
但係已經唔再重要。
因為今年情人節，將變為晴人節。
祝晴人節快樂。 8 janvier 惡性循環10 寫乜好呢？唔知寫乜好。
20 點解唔知呢？因為怕寫出o黎o既o野唔o岩人地睇。
30 點解要怕呢？因為怕人地唔認同自己既想法。
40 點解要人地認同呢？因為得自己認同自己o既人係孤獨o既，而好明顯我唔想孤獨。
50 咁點解唔寫o的普羅大眾都o岩睇o既o野呎？因為想與眾不同。
60 點解想與眾不同呢？因為不甘平凡。
70 咁點解唔寫o的出人意表o既o野？
80 咁... go to 10 26 novembre 咳咳。
今日勁咳。
係名副其實既咳到“黐肺”。
最攞命既係，佢話黎就黎，全無先兆。
而我果陣仲要係畫緊畫。本身好地地既一幅寫實畫，搖身一變成為一幅抽像畫。真係多得佢唔少。
所以我決定作一首詩黎讚美“咳”。
咳。
點解要咳？
咳到肺甩。
咳到我唔知似乜。
停一陣，得唔得？
唔得。
拎住枝筆，佢又唔咳。
呢頭落筆，果頭狂咳！
唉！
畫筆，往枱猛“質”。
畫意盡失。
又咳！
點解又咳？
咪咳得唔得？
唔得... 唔得... 25 novembre 主旨今次呢一個留言有些少特別，因為我用既唔係白話文，而係口語。
點解呢？因為我實在係頂唔順。
頂唔順我次次都要諗爆個腦黎砌Ｄ句子出黎，而最致命既係Ｄ句子根本表達唔到自己真正既意思。
太耐唔做一樣野，係會生疏同退步既。我諗我都係時候要檢討一下自己既文化水平。
咁今次講乜好呢？
拿，其實呢，我講乜野係唔重要架，最重要係有冇人睇。
係架，呢個世界好多野都係唔需要講內容架，吸引到人就得架喇。
就好似我而家咁，講到黎呢度，你地都仲係睇緊，咁咪就已經收左個效果囉。
而響呢一刻，你地就會諗：咁我而家唔再睇落去咪得囉！
響理論上你地咁諗係無錯架，但係實際上你地又唔會喎，點解呢？
因為你地覺得無理由丫嘛，你地會諗：無理由既，無理由咁多句係講廢話既，下一句一定講主旨！
人就係咁，唔信邪丫嘛。無理由既！無理由咁多舖都係開細既，下一舖一定開大！
況且，亦都係最重要既一點，就係因為：唔睇都睇左咁多咯，唔通唔睇埋落去咩？萬一佢下一半真係有野講咁咪好唔抵？
係囉，唔甘心丫嘛。唔等都等左咁耐咯，唔爭在啦，豪俾佢囉。
但係你地又點估得到，我真係無主旨要講呢？
講完。 8 octobre 新工作的第一個週末先來公司簡介。
公司位於捷斯特 (Chester) 巿中心，鄰近火車站，交通方便，商鋪臨立，環境幽美，鳥語花香。
公司由兩棟三層高的樓房組成，共有七個部門。
電腦部位於主樓的第二層，共八人，分兩組。
一組為硬件部，負責公司一切電腦及硬件，網絡系統等等。
另一組為軟件部，負責公司所用系統的開發及維修等等。
我所屬的是軟件部，負責開發公司現有的其中一組系統。
由於公司規模並不是很大，所以暫時只得我跟另一位同事負責這系統。
這可好極了，能發揮的機會一定不少，不像以前實習的那一年，只能做些雞毛赫皮的小事，回想起來也覺討厭。
工作開始的第一天，基本上是在公司內走來走去，到不同的部門認識認識。揭力去記住見過的人的名字，雖說公司不大，但也有將近百人，最後也只記得大概十餘個名字。幸好公司有公司職員人名及相貌記錄，只要輸入名字，樣貌職位等資料一目了然。
第二及第三天，都用來看系統的原程式碼。發覺跟自己之前所見所識的都大有不同，一方面在觀察其運行流程，另一方面則在細思其背後的設計概念。
遺撼的是程式大部份都沒有設計圖，必須從原程式碼中推想出來。不過也是一大樂趣。
第四天開始有正式的工作了，邊寫邊看，雖然未能了解其背後的所有概念，但也已經慢慢熟習其固中規律。
第五天，不知怎地竟然生病了。咽喉發痛得像火燒，中午時還得跟大顆兒去吃火氣特重的漢堡餐，雖然美味，但代價則是之後兩天的卧床養病。
就這樣，我生命中第一份正式工作的第一個週末便在病中渡過了。
2 octobre 失眠明天終於要開始人生的第二階段，上班工作。 感覺上，自己好像已經跟學業脫離了關係。 但想深一層，工作後仍是需要不停學習，不停與死線糾纏，只是地點，型式改變了而已。 再宏觀一點，人生其實也就是一直地學習，一直地實踐吧？ 扯太遠了，還是回到重點的好。 事實上，現在比較擔心的，是人際關係會否過於覆雜。實在很討厭那些訶謏奉承的生活。 以我這種自我中心的性格，要給人家拍馬屁是怎樣也做不到的了。還是好好將自己變得更有價值，以實力來換取報酬比較適合。 老實說，前面的路是好是壞，這一刻很難想像。 但明天第一天上班，一定會很累。因為今晚失眠。 23 septembre 公告天下2006 年 09 月 08 日，星期五，提交了碩士畢業論文。
2006 年 09 月 10 日，星期日，於求職網站上載了履歷。
2006 年 09 月 11 日，星期一，收到兩家獵頭公司的電話，並給了詳細資料。
2006 年 09 月 15 日，星期五，其中一家獵頭公司回覆，某公司有意接洽。
2006 年 09 月 18 日，星期一，到該公司第一次面試。
2006 年 09 月 19 日，星期二，獵頭公司回覆，第一次面試通過。
2006 年 09 月 21 日，星期四，到該公司第二次面試。
2006 年 09 月 22 日，星期五，獵頭公司回覆，第二次面試通過。並將於 2006 年 10 月 02 日，星期一正式上班。
2006 年 09 月 23 日，星期六，公告天下。 晴人間 |
|
||||||||
Envoyer un message privé
S'abonner au flux RSS
Conseiller à un ami
Ajouter à Mon MSN
Ajouter à votre réseau
Inscrivez-vous à des alertes
|
|
